السلسبيل

أعترف حولي كثيرين لكني وحيد
عنك ما يغنيني والله قريب ولا خوي

أسألك بآلله قلي وش الي تستفيد
كان ضاقت عقبك القاع في عين بدوي

خاف ربك حالتي من شديد اليآ شديد
شوفني من كثرت الشوق يمك مستوي

لا يغرك قلبي احيان لا شفته عنيد
غلطته قدمك تقوى وهو ماهو قوي

والله اني ماني بخير مدامك بعيد
كل شي عقبك حزن هم ضيقه يحتوي

كل ما تبعد طواريك ما تنقص تزيد
اطوي الذكرى وترجع وتطويني طوي

من فقدتك صرت انا غير انا واحد جديد
منكسر مشتاق محتاج صوتك منطوي

أنت مثل الدم تمشي معي وصط الوريد
تشرب بحبك عروقي وعيت ترتوي

انت مثل الموت مره تجي للي تريد
ومن تجي له يترك الناس والدار تهوي

كان منت مصدق ان قو ضربك من حديد
حط سمعك عند صدري وتسمع له دوي

وان سمعته راح تسمع بعد حاجه اكيد
صوت لكن يشبه اصوات لذياب تعوي

لا تخاف الصدر بيتك عسى عمرك مديد
هذا صوت القلب ينخى ينادي منكوي

تدري كم مره تمنيت لي قلب البليد
قد ما حسيت حبك لوى ذراعي لوي

روح لكن اعرف ان رحت راح ابقى وحيد
عنك ما يغنيني والله قريب ولا خوي


ثآمر شبيب